Rommy 3D athibitisha kumwagana na Shilole

Mpiga Picha Maarufu nchini na aliyekuwa mume wa Shilole, Rommy 3D amethibitisha kuachana na mkewe huyo.

Kupitia ukurasa wake wa Instagram, Rommy ametoa taarifa ya kuachana kwao na kutoa shukrani zake kwa namna walivyoishi katika siku zao zote za mapenzi.

“Habari.....ndugu zangu kama ambavyo mmeona kwenye mitandao na hiyo ndio hali halisi basi mimi na aliyekuwa mwenzangu Zuwena Mohamed (Shilole) naona tumefikia mwisho na si vibaya nikakubali matokeo na kumpisha kijana mwenzangu aendeleze gurudumu hili, na maisha yaendelee…nipende kutoa shukrani angu za dhati kwa vile tulivyoishi siku zote za mapenzi yetu, Wabillah Tawfiq,” aliandika Rommy 3D.

Taarifa hii ni baada ya kusambaa kwa video fupi mtandaoni ikimuonesha Shilole akiwa na mwanaume anayedaiwa kuwa Mpenzi Wake Miya Kwa Sasa.

Tena kama ilivyo desturi yake kwa bibie huyo, mwanaume anayeonakana naye kwenye hiyo video naye ki-umri anaonekana ni mdogo wake.

Inakumbukwa Shilole alianza kutoka na bwa’ mdogo wa miaka hiyo na msanii wa Bongo Fleva Nuh Mziwanda, wakamwagana na kurudiana kisha kumwagana jumla.

Baadaye Shilole pia alianguka kwenye penzi zito fundi gereji Uchebe ambaye naye alikuwa mdogo kiumri ambaye walimwagana kwa madai ya bidada kuchezea kipigo kutoka kwa fundi gereji.

Baadaje ndipo kijiti kikamuangukia bwa’mdogo Rommy ambaye naye biashara imeisha rasmi kamuachia kijana mwingine mdogomdogo aendeleze libeneke.

Ngoma bado Mbichi hii tuendeleee kuisikilizia tuone itaishaje.