Rick Ross
Rick Ross au The Boss; ni rapa tajiri wa levo za Dunia wa Marekani ambaye amethibitisha kuwa anapanga kutua Bongo hivi karibuni.
Akiwa kwenye mazungumzo ya moja kwa moja na mwanamama Hamisa Mobeto, Rick Ross au Bwana Madevu anasema anapanga kukwea Mlima Kilimanjaro na kuja kuishi Bongo. “Napanga kupanda juu ya Mlima Kilimanjaro, je, utakuja nami? Lazima tupande nawe juu ya Mlima Kilimanjaro,” Rick Ross anamwambia Hamisa.
Hamisa anaonesha dalili za wasiwasi kuhusiana na mpango huo ila hatimaye anakubali kuandamana na rapa huyo kupanda juu ya mlima huo mrefu kuliko yote barani Afrika.
“Sitakubali upande mlima pekee yako. Nitakuwa hapo nawe,” Hamisa anamjibu Rick Ross. Rick Ross ambaye ni mzaliwa wa Marekani pia anasema ana mpango wa kujenga nyumba nchini Tanzania. Hamisa anaunga mkono mpango huo huku akipendekeza rapa huyo anunue kiwanja kando ya Bahari ya Hindi.
“Unafaa kununua nyumba huku. Kuna ardhi nzuri hapa. Unaweza kununua nyumba kando ya bahari. Bahari ni nzuri sana. Inakaa vizuri. Kusema kweli inakaa vizuri kuliko Miami (Marekani), anasema Hamisa.
Rick Ross anasema anatazamia sana kufika Tanzania ili aweze kuyafurahia mazingira na kuonana na Hamisa ambaye anatambulisha kama mpenzi wake. “Nataka kufurahia ardhi huko na kufurahia muda wangu huko pamoja na wewe,” anasema Rick Ross.