Rick Ross amtaja Rosa Ree, tutegemee jambo zito?

Rick Ross au The Boss; ni rapa wa kiwango cha Dunia wa Marekani ambaye huwenda amevutiwa na kipaji cha rapa wa Tanzania, Rosa Ree kiasi cha kumpa shavu la kumsimamia kwenye lebo yake maarufu ya Maybach Music ambayo kwa sasa ipo tayari kuchukua wasanii wawili wakali wa muziki kutoka barani Afrika.

Rick Ross amewataja wasanii kadhaa ambao tayari amebahatika kuwategea sikio na pengine kati yao yupo atakayeingia kwenye listi ya wasanii atakaofanya nao kazi.

Na kwa kuanzia wakati akitoa taarifa hiyo rasmi kupitia ukurasa wake wa Instagram, Rick Ross amemtaja rapa mahiri kutoka kwenye muziki wa Bongo Fleva, Rosa Ree pamoja na Kwesta kutoka nchini Afrika ya Kusini.

Rick Ross amekula Pasaka hii kwenye mitaa mbalimbali ya nchini Angola baada ya kuangusha bonge la shoo nchini Nigeria.