Rich atetea wasanii kufanya siasa

MWIGIZAJI wa filamu nchini Single Mtambalike ‘Rich’ amesema mwigizaji kuingia kwenye siasa si kwamba anaweza kuipoteza sanaa yake ila anaweza kufanya vitu viwili kwa wakati mmoja kwa kuwa vinategemeana.

Alisema hapo mwanzo alichaguliwa na bado ni mjumbe wa Bodi ya Basata, lakini bado aliweza kuwajibika na kufanya majukumu yake vizuri.

Alisema kwa sasa anawania udiwani, hivyo anaamini kazi zote tatu ataweza kuzisimamia kwa kuwa sio kitu, ambacho kinaweza kumkwamisha asifanye kingine kwa kuwa wapo viongozi wana nafasi nyingi na wanawajibika kwa wakati husika.

“Kwenye sanaa bado nafasi yangu kubwa kwa jamii, lakini hii hainifanyi nishindwe kuitumikia jamii katika upande wa siasa,” alisema.