Rayvanny: Wasanii wangekuwa wanapata wanachostahili, wangeogopwa

Msanii wa Bongo Fleva, Raymond Mwakyusa 'Rayvanny' amesema laiti wasanii wangekuwa wanapata kile wanachostahili kupata kutokana na kazi zao, wangekuwa watu wa kuogopwa sana.

Vanny Boy amesema, wao ni maarufu na kimsingi kwa sasa wanatumia tu nguvu zao binafsi kuweza kutafuta masoko, kujua nani wa kufanya nayo kolabo ili aweze kupata matokeo makubwa kimuziki.

"Mimi nafikiri wasanii wangekuwa ni watu ambao wanaogopeka sana kama wangekuwa wanapata pesa wanayostahili kupata, siwezi kulaumu serikali lakini najaribu tu kuwaza bado wasanii hawapati kile wanachostahili kupata," amefunguka Rayvanny akifanya mahojiano na waandishi baada ya kufanyiwa surprise ya keki na msanii wake Macvoice.