Rayvanny: Sijutii kutoka WCB, nimekua kimuziki

Staa wa muziki na CEO wa Lebo ya Next Level Music, Rayvanny amesema tangu aondoke kwenye lebo ya WCB anaona amezidi kukua kimuziki na kwa sasa anawaza mambo makubwa zaidi.

Rayvanny amesema changamoto anazokutana nazo pamoja na ushindani uliopo kwenye gemu ya Bongo Fleva, vimemkomaza zaidi.

“Ukweli sijutii maamuzi yangu, zaidi napambana ili niweze kuwa mkubwa zaidi, sababu huku kila kitu wakuulizwa ni mimi na sababu ndiyo bosi mkubwa ninayehusika na mambo yote ikiwemo kulipa wasanii na mengineyo,” amefunguka akiwa katika mahojiano na Habari leo.