Melvin Barcliff enzi za uhai wake.
Hip Hop inaomboleza msiba wa msanii mwingine tena huku habari zikienea kuwa rapper Magoo ambaye pia anafahamika kwa jina la Melvin Barcliff amefariki dunia akiwa na umri wa miaka 50.
Magoo ambaye alitambulika sana kwa ushirikiano wake na wasanii kama Timbaland, Missy Elliott na Aaliyah, amewaacha mashabiki na wanamuziki wenzake wakiwa wameshtushwa na kupigwa na butwaa kutokana na kifo chake cha ghafla.
Chanzo cha kifo chake hakijawekwa wazi na kuwaacha wengi wakidhania juu ya kile ambacho huenda kilitokea.
Lakini Digital Black kutoka kundi la Playa alikuwa wa kwanza kuthibitisha kifo cha Magoo kwenye posti kwenye Instagram, akiandika, “Man can’t believe this RIP Magoo damn big bro wasn’t ready for this at all #superfriends.”
Magoo, ambaye jina lake halisi lilikuwa Melvin Barcliff, alikuwa na kazi ya muda mrefu katika tasnia ya muziki.
Alianza kufanya majaribio ya muziki akiwa kijana na akajitengenezea jina haraka haraka kupitia ushirikiano na wasanii mashuhuri kama Timbaland, Missy Elliott, na Playa.
Kuanzia kama mshiriki wa kikundi cha Swing Mob cha DeVante Swing, Magoo alijishughulisha na tasnia na mwishowe akaunda ushirikiano mzuri na Timbaland. Kwa pamoja, walitoa albamu tatu na mara kwa mara walishirikiana na wasanii wengine, na kuacha historia ya kudumu kwenye eneo la hip-hop.