Drake
Rapa maarufu kutoka Nchini Canada, Aubrey Drake Graham almaarufu 'Drake' ametangaza kuachana na muziki kwa kipindi cha mwaka mmoja au zaidi kutokana na matatizo ya kiafya.
Drake (36) ametangaza kupumzika kufanya muziki baada ya kuachia albamu yake mpya inayojumuisha wimbo ambao amemshirikisha mwanaye wa kiume Adonis mwenye umri wa miaka mitano.
"Nilitaka kuwa wazi Ninahitaji kuzingatia afya yangu, kwanza kabisa, na nitazungumzia kuhusu hilo hivi karibuni.
"Kwa hiyo, ninahitaji kuzingatia afya yangu, na ninahitaji kuwa sawa, hivyo nitafanya hivyo. Nina mambo mengine mengi ambayo ningependa kuzingatia.
"Kwa hiyo, nitafunga mlango katika studio kwa muda kidogo. Sijui hata itachukua muda gani. Labda mwaka au zaidi, labda zaidi kidogo." — Drake