Range ambayo Harmonize alimpa Kajala ni mali yangu - H Baba

Msanii nguli wa Bongo Fleva, H. Baba amedai kuwa gari aina ya Range Rover ambayo msanii Harmonize aliyekuwa mpenzi wake, ni mali yake.

H. Baba amesema hayo mara baada ya Harmonize kudai kuwa gari hilo alilinunua kwa ajili ya kumridhisha aliyekuwa mpenzi wake huyo ambapo baada ya kuachana, Harmonize alilinunua na kulirejesha kwenye himaya yake.

Ikumbukwe kuwa, H. Baba na Harmonize wamewahi kuwa marafiki na kufanya kazi nyingi kwa pamoja lakini baadaye walitofautiana na H. Baba kwenda kujiunga na timu ya Diamond Platnumz kule WCB.

"Wakati Harmonize anatoka WCB hakuwa na kitu, hakuwa hata na mia alikuwa mikono mitupu, alikuja kuniangukia nikaamua kumsaidia nikiamini ni mdogo wangu, alinidanganya aliongea vibaya kuhusu Diamond nikaamini, lakini baadae nilikuja kugundua Harmonize hana fadhila, nilijitoa na hakuna alichonilipa.

"Wimbo wa Attitude wa Harmonize ulikuwa wimbo wangu, akaamua kunidhulumu pesa zangu akaenda kumnunulia Range Kajala, kwahiyo ile Range ya Kajala ni mali yangu, pesa zangu ndizo ziliinunua ile Range.

"Nimemuachia Mungu atamlipa kwa kula jasho langu, alitaka kuniangusha lakini mimi niko vizuri kifedha, nina nyumba zaidi ya 12 na hivi karibuni naenda kutoa wimbo wangu na Alikiba kisha nitatoa wimbo mwingine ambao nitawashirikisha Diamond Platnumz na Alikiba baada ya hapo nitaacha muziki," amesema H. Baba.