Quavo & Offset wamkumbuka TakeOff
Quavo na Offset wote wametafakari kuhusu uhusiano wao na TakeOff mwaka mmoja baada ya kupigwa risasi na kuuawa akiwa na umri wa miaka 28.
Jumatano (Novemba 1) iliadhimishwa kumbukumbu ya mwaka wa kwanza ya kifo cha rapa huyo aliyekuwa na asili ya Atlanta. Mbali na jamii kubwa ya Hip Hop kuomboleza kifo hicho cha kusikitisha, wanakikundi wawili waliosalia wa Migos walionyesha mapenzi yao kwa TakeOff.
Quavo alishea picha nyeusi na nyeupe ya mpwa wake kwenye Instagram na kuandika: “Siwezi kusahau haitasahaulika kamwe [emoji ya roketi emoji, emoji ya kuashiria kitu kisicho na mwisho] Nakumbuka!”
Offset, pia kwenye IG, alichapisha video akimkumbuka rafiki yake na alama aliyoiacha, akiandika: “Nyakati tulizotumia ni za thamani sana na tulichojenga katika mchezo huu hawakutaka kamwe kutupa maua yetu kutokana na tulivyouathiri ulimwengu…Nakupenda Take bado upo hapa na. sisi ninajua tu wewe utabaki kuwa !!!! Migo 4Life!!!!!!”
Mwishoni mwa 2022, polisi walifichua kwamba ufyatulianaji risasi mbaya ulitokea baada ya mchezo wa kete huko Houston, Texas hatimaye kujawa na vurugu. TakeOff inaaminika alikuwa mtazamaji asiye na hatia mambo yalipogeuka kuwa mabaya.
Mtuhumiwa wa mauaji ya mzaliwa huyo wa Georgia anaendelea kuonekana kutokuwa na hatia, huku timu yake ya wanasheria ikisisitiza kwamba alikuwa hatarini kama marehemu TakeOff.
Mwishoni mwa Oktoba, Patrick Xavier Clark alifika mahakamani kupinga dhana kwamba anahusika na mauaji hayo. Alikamatwa mnamo Desemba 2022 kulingana na majibu ya upelelezi yaliyopatikana kupitia ushahidi wa video, lakini mawakili wake wanasimulia hadithi tofauti.
“Anadumisha kutokuwa na hatia,” wakili wa utetezi Letitia Quinones-Hollins aliambia Rolling Stone kuhusu tukio hilo mwaka jana. “Tunaamini kwamba ana madai halali ya kujilinda. Sidhani kama wanaweza kusema kwa uhakika kwamba ni Patrick ndiye aliyefyatua risasi iliyochukua maisha ya TakeOff.”
Aliongeza: “Kulikuwa na mtu mwingine ambaye alianza kupiga risasi, hakuwa Patrick Clark. Alikuwa katika nafasi ile ile ambayo TakeOff alikuwa nayo, alikuwa akijaribu kutoka humo akiwa hai pia. Hakuwa na uhusiano wowote na mabishano yaliyotokea. Ilitokea tu kuwa mahali pasipofaa kwa wakati usiofaa watu walipoanza kurusha silaha.”
Huku tarehe inayofuata ya mahakama ya Clark ikipangwa mapema mwaka ujao, Quinones-Hollins anaamini kwamba huenda kesi itaanza katika nusu ya pili ya 2024.