Playlist ya Kamala! Kati ya nyimbo 25, Tanzania yaingiza nyimbo 9

Mapema leo Makamu wa Rais wa Marekani Kamala Harris akiwa nchini Ghana alitangaza kupitia ukurasa wake wa Instagram kuwa atatoa playlist ya nyimbo zake katika mataifa matatu ambayo atatembelea kwenye ziara yake Afrika.

Mataifa hayo ni Ghana, Tanzania na Zambia , baada ya ujumbe huo Mtandao maarufu wa Billboard umeitaja orodha hiyo ya Wasanii wa Nchi hizi tatu na nyimbo zao ambazo Wapenzi wa Muziki Duniani wanaweza kusikiliza kupitia Spotify na platform nyingine lengo likiwa ni kukuza Wasanii na mdundo wa Kiafrika hususani kutoka kwa Wasanii wa Ghana, Tanzania na Zambia.

Wasanii wa Tanzania ambao wamo kwenye orodha hiyo ni pamoja na Harmonize na wimbo wake mpya ambao video yake imeachiwa rasmi leo ya Single Again, pia Zuchu (Utaniua), Alikiba (Mahaba) Jay Melody (Sawa), Mbosso (Shetani), Jux & Marioo (Nice Kiss), Darassa (No Body) , Marioo & Abbah (Lonenly), Platform & Marioo (Fall).

Katika orodha hiyo wasanii kama Diamond Platnumz, Rayvanny na wengine wengi wamekosekana huku wasanii wa hip hop akiwepo Darassa pekee.