Pesa inaruhusu acha tumfanyie bethidei ya taifa Tiffah-Esma

Dadake Nasibu Abdul 'Diamond Platnumz', Esma Khan amesema pesa ipo kwenye familia yao ndio maana wameamua kumuangushia bonge la sherehe Tiffah Dangote katika siku yake ya kuzaliwa.

Esma amefunguka hayo mara baada ya kutua Afrika Kusini nyumbani kwa Zarinah Hassan ambaye ni mzazi mwenziye Diamond Platnumz.

"Kama pesa ipo bwana kwa nini usimfanyie mtoto kitu kikubwa? Hakuna sijui kusema mtoto hadi atimize miaka 16 ndio umfanyie kitu kikubwa," amesema Esma.

Tiffah ambaye ni mtoto wa kwanza wa Diamond, leo Agosti 7, 2022 anatimiza miaka 7.