Paula awatolea uvivu wateja wake "Mnasikitisha"

Paula Kajala; ni mrembo maarufu nchini Tanzania ambaye amewachana baadhi ya wateja wake wanaodai anauza nguo zake bei ghali katika duka lake alilofungua hivi karibuni.

Baadhi ya wateja wanalalamika kwamba, kwenye duka hilo nguo ya bei ya chini ni Tsh 75,000 huku miwani akiuza shilingi elfu hamsini.

Hata hivyo, baada ya malalamiko hayo, Paula ameibuka na kuwachana wateja hao kwa kusema;

“Hebu kuweni serious nyie, yaani vitu vya Zara au H&M niwauzie elfu 20? Hamko serious, mnasikitisha…”

Paula alisema duka hilo limemgharimu shilingi milioni 500 za Kitanzania, jambo ambalo limepingwa na wengi.