Paka wana mionekano zaidi ya 300 ya uso - utafiti

Utafiti wa hivi karibuni kuhusu tabia ya mnyama paka uliofanywa na kituo cha wanyama kweney chuo cha California nchini Marekani unaonesha kwamba paka wana uwezo wa kukengeuza mionekano ya uso wao kwa mara karibia 300.

Timu ya watafiti hao kwa muda mrefu wamekuwa wakitafiti kuhusu idadi ya mionekano ya nyuso ambayo paka hutumia kufanya mawasiliano na wenzao.

Timu ilirekodi sura 276 za kipekee za uso kutoka kwa paka waliowatafiti - kwa kulinganisha, sokwe wana sura 357 tofauti za uso.

Pia waligundua kuwa paka wana mionekano ya nyuso inayofanana na ya wanadamu, na wanaweza kuwa wameichukua kutoka kwa historia yao ya miaka 10,000 wanaoishi nasi!

Mwanasayansi Lauren Scott alitembelea makazi ya paka wa hisani huko California mwezi wa Agosti na Juni. Wakati huu mtafiti alirekodi takriban dakika 194 za sura za uso za paka - haswa zile zinazolenga paka wengine, CNBC walibaini.

Kisha Lauren alichambua picha hiyo kwa usaidizi wa Brittany Florkiewicz - mwanasaikolojia wa mabadiliko - mtu anayesoma hisia na tabia za aina fulani za wanyama.

Waligundua sura 276 tofauti za uso katika paka ambao walirekodi.

Kila mwonekano wa paka uliundwa na mchanganyiko wa miondoko minne kati ya 26 ya kipekee ya uso - vitu kama vile midomo wazi, nyuzi za macho, kufumba na kufumbua, midomo ya pua, miondoko ya masharubu na misimamo ya sikio.

Kwa kulinganisha, wanadamu wana takriban misogeo 44 ya kipekee ya uso, na mbwa wana 27, lakini jumla ya idadi ya misemo haijulikani.

Kati ya sura za uso zilizorekodiwa, karibu 45% zilifikiriwa kuwa za kirafiki, na 37% walikuwa na fujo zaidi au hasira, na iliyobaki 18% mchanganyiko usio wazi wa wawili hao.

Baadhi ya sura za uso za kirafiki za paka huyo - ambapo midomo yao ilirudishwa nyuma na taya zao kufunguliwa na kuunda tabasamu au kucheka - zilifanana na 'uso wa kucheza' unaotengenezwa na watu, mbwa, nyani na wanyama wengine.