Nyumba ya Papa Wemba sasa yawa rasmi makumbusho ya rumba

Miaka saba baada ya kifo cha Papa Wemba, serikali ya Congo imeamua hatimaye kutekeleza ahadi yake.

Ijumaa, waziri wa Sanaa na urithi rasmi alikabishinyumba ya nyota huyo wa rumba iliyopo mjini Kinshasa Taasisi ya taifa ya Makumbusho ya Congo, ambayo itaigeuza kuwa nyumba ya ruma ya Congo .

Studio ya kurekodi pia itawekwa ndani yake, amesema waziri.

Miaka miwili iliyopita, rumba ya congo ilipata hadhi ya kulindwawakati ilipoongezwa katika orodha Urithi usioshikika wa utamaduni wa binadamuya Unesco.

Akifahamika kwa jina la jukwani kama Papa Wemba, Jules Shungu Wembadio Pene Kikumba alikuwa ni mmoja wa waimbaji wa Kicongo ambao waliupekela ladha yamuziki wa Kiafrika wenye ushawishi kwenye jukwa la dunia kutoka kwenye eneo lake la asili, Congo-Brazzaville na Jamuhuri ya Kidemokrasi ya Congo.

Mnamo mwaka 2016 Papa Wemba alifariki akiwa jukwani huku akitumbuiza mashabiki wake Ivory Coast, baada ya kufanya kazi ya muziki kwa miongo minne.

Kuna ahadi moja ambayo serikali ya Congo bado haijaitimiza – kuweka sanamu ya ukumbusho wa Papa Wemba.