‘Nilikua nikiwafuatiia rappers wa Nigeria’ – Nasty C

Msanii maarufu wa muziki wa hip-hop kutoka Afrika Kusini, Nsikayesizwe David Junior Ngcobo, almaarufu Nasty C, amefichua kuwa alichochewa na marapa wengi wa Nigeria na prodigy wa Ghana Sakordie.

Pia alisema alivutiwa na wasanii wa rap nchini kwao, kama vile marehemu AKA na Cassper Nyovest.

Kijana huyo mwenye umri wa miaka 26 alifichua hili katika mahojiano ya podcast na Afrozons.

Alisema;

“Waanzilishi wangu wa hip-hop barani Afrika bila mpangilio ni M.I, Sakordie, Olamide, Phyno, AKA, Cassper [Nyovest], Naeto C… Wako wengi.”

Anayejiita “Coolest Kid in Africa”, Nasty C anachukuliwa kuwa mmoja wa rappers waliofanikiwa kibiashara barani Afrika na ameshirikiana na wasanii kadhaa wa Nigeria, wakiwemo Burna Boy, Runtown na Davido.