Nike wameachia kolabo na Kobe Bryant

Dunia ya wapenda viatu ipo kwenye msisimko mkubwa kufuatia kutolewa kwa Nike Kobe 6 Protro “Italian Camo”, viatu vilivyosubiriwa kwa hamu kubwa.

Viatu hivi vinasherehekea mchango wa Kobe Bryant na ushawishi wake mkubwa kwenye mchezo wa mpira wa kikapu.

Uhusiano wa Kobe na Italia, ambako aliishi maisha ya utoto wake, umejumuishwa vizuri katika muundo wa viatu hivi. Rangi ya “Italian Camo” ina mchanganyiko wa rangi kama kijeshi inayowakilisha mandhari ya nchi hiyo.

Vipengele vyekundu kwenye alama ya Nike Swoosh na nembo ya Kobe Bryant vinatoa mguso wa uhai, huku saini ya Kobe nyuma ya viatu ikiwakilisha alama aliyoiacha.

Nike Kobe 6 Protro “Italian Camo” inaunganisha teknolojia ya kisasa na mitindo ya kuvutia. Soli ya kijani yenye kina iliyoundwa kwa ubora wa hali ya juu, ikilenga kujenga ujasiri na hali ya kujiamini wakati wa mechi za mpira wa kikapu zenye ushindani. Mchanganyiko huu hufanya viatu kuwa vya lazima kwa wanamichezo na wapenda viatu.

Mchango wa Kobe Bryant kwenye mchezo wa kikapu na ulimwengu unaadhimishwa kupitia viatu hivi. Nike Kobe 6 Protro “Italian Camo” sio tu viatu vyenye mtindo mzurini heshima kwa bidii ya Kobe Bryant kwenye safari yake ya mafanikio.

Sneaker Bar Detroit inaripoti kwamba Nike Kobe 6 Protro “Italian Camo” ilizinduliwa rasmi tarehe 13 Aprili, 2024, na inapatikana kwa kununua kwa wauzaji waliochaguliwa. Bei ya rejareja ya viatu ni shilingi 490,200 za Tanzania (dola 190 za Marekani).

Kwa mashabiki wa Kobe Bryant na wakusanyaji wa viatu, Nike Kobe 6 Protro “Italian Camo” inatoa fursa ya kusherehekea urithi wa staa huyo wa mpira wa kikapu ambaye alifariki Januari 26, 2020.