Nicki Minaj Alistahili ‘Best Hip Hop 2021’?

NICK Minaj ameibuka mshindi wa Tuzo za MTV EMA zilizofanyika nchini Hungary, huku akiwapiga za uso Cardi B, DJ Khaled, Drake, Megan Thee Stallion na Kanye West ambao wote walikuwa wanawania kipengele kimoja cha Mwanamuziki Bora wa Hip Hop kwa mwaka 2021.

Hakuna ubishi juu ya uwezo mkubwa wa Nick Minaj, lakini haikutegemewa mtu kama Drake ambaye kwenye mtandao wa Billbord hadi sasa anakamata nafasi ya pili katika kipengele cha ArtistHot100, huku albam yake ya Certified Lover Boy ikikamata nafasi ya pili kwa muda wa wiki 9 katika Billboard200.

Upande wa Kanye West, kupitia Billboard200 kwa wiki 10 sasa albamu yake ya DONDA imeshikilia nafasi ya 11 huku ikiwa imekamata nafasi ya kwanza pia, wakati huohuo kwenye Billboard Artist100 Kanye anakamata nafasi ya 28 hadi sasa.

Ukiachana na albamu zao kushika nafasi za juu kwenye chati za mitandao mikubwa duniani, pia Kanye na Drake wamepata mauzo makubwa kwenye albamu zao mwaka 2021.

Kwa mafanikio hayo ya Drake na Kanye West, Nicki Minaj alistahili kuchukua Tuzo hiyo?