Ndoa ya Joe Jonas inapumulia mashine

Hivi Karibuni Mwanamuziki Joe Jonas ameonekana akitembea Barabarani bila Pete ya Ndoa, hali hii ilishitua watu wengi maana haijazoeleka kuona mtu aliyeoa akitembea bila Pete.

Katika hali ya Kustaajabisha Jana kwenye Siku ya Kazi Marekani (Labor Day) Amepiga Picha na Kundi lake (Jonas Brothers) akiwa amevaa Pete.

Kwa Mujibu wa TMZ Inadaiwa kwamba Ndoa ya Joe Jonas Pamoja na Mwigizaji Sophia Turner @sophiet karibia inafikia Tamati.

Mtu mmoja ametoa taarifa kwa TMZ kwamba Joe anahangaika Kutafuta Wanasheria Jijini Los Angeles kwa ajili ya kumsaidia kuvunja Ndoa yake.

Mtu huyo ameendelea kueleza kwamba wawili hao hawana Uhusiano mzuri kwa Miezi sita sasa. Sambamba na Hilo Inadaiwa Kwamba Miezi mitatu nyuma aliyekuwa akitunza watoto ni Mwanaume, Sophia Hakuwa karibu na Watoto.

TMZ kwa upande wao wanaamini kwamba Joe na Sophia wapo sawa tu maana wameonekana pamoja mara kadhaa kwenye matukio mbalimbali ingawa kwa Upande Mwingine TMZ wanashitushwa na Suala la Joe Jonas kuonekana muda mwingine akiwa hajavaa pete pia suala la Wawili hao Kuuza Nyumba yao ya Kifahari Jijini Miami linawashitua Zaidi TMZ.

Joe na Sophia walifahamiana tangu mwaka 2016, mwaka 2019 walifunga ndoa, Wamebahatika Kupata watoto wawili, Mmoja Mwaka 2020, Mwingine 2022.