Nay wa Mitego: Roma ndiye ameandika mistari ya Amkeni

Staa wa Muziki wa Rap nchini, Emmanuel Elibariki #NayWaMitego ameweka wazi kuwa ngoma yake mpya Amkeni kuna mistari ambayo alitumiwa na msanii mwenzake, Roma Mkatoliki ambaye kwa sasa anaishi nchini Marekani.

Nay amesema kuwa alihitaji mawazo tofauti na ya kwake hivyo akaamua kumshirikisha mwanaharakati huyo wa kimuziki.

"Kwenye wimbo wangu huu mpya verse ya pili kuna mistari kama minne hivi alinitumia Roma. Wakati naandika nilipomaliza verse ya kwanza naenda verse ya pili nikawa nahitaji mawazo mapya.

"Nikawa nachati nae nikampigia tukazungumza, nikamwambia nahitaji mchango wako kwenye hili, nahitaji mostari mitano sita hivi kwenye verse yangu, akawa ameniandikia na kunitumia na mimi nimeitumia," amesema Nay wa Mitego.

Mpaka sasa wimbo wa Nay umefungiwa na BASATA kutokan na mashairi yake kuonekana ni ya kuwakashfu viongozi waliopo madarakani.