Nay awalipua wasanii wanaopenda wanawake wenye hela

Rais wa Kitaa, Nay wa Mitego amewatolea uvivu wasanii wanaotembea na wanawake wenye fedha kuwa makini kwani hujisahau na kujikuta wakiupa kisogo muziki.

Nay amefunguka jambo hilo kwenye Insta Story yake, ambapo ameeleza kuwa wasanii hao wanapokuja kuachwa, hujikuta kwenye wakati mgumu.

“Wasanii mkipata wanawake wenye hela mnasahau kazi iliyowafanya wawapende. Mnakuwa busy na mapenzi, mkiachwa ndio mnakumbuka kurudi kazini na mambo yanakuwa magumu kuanza upya. Fans now days wanasahau haraka Sanaa coz wasanii ni wengi na wako sharp. So mlioanguka kwa sababu hiyo mkibahatika kupokelewa tena hakikisha hurudii makossa, kazi mbele na uking’asti uendelee,” alisema Nay.