Nandy avikwa umalkia tuzo za Grammy

Mwanamuziki nyota wa Tanzania, Faustina Charles ‘Nandy’ amepokea Cheti/Certificate kutoka kwa ‘Recording Academy’ ya waandaaji wa Tuzo za Grammy, ya kutambua mchango wa ushiriki wake katika album ya mwanamuziki mahiri kutoka nchini Jamaica Etana “Pamoja”.

Albam hiyo, ambayo imemfanya Nandy kuingia kwenye ‘headlines’ za Dunia kwa ‘perfoming’ zake kimuziki, iliingia kwenye kinyang’anyiro cha album bora ya Reggae ‘Best Reggae album’ mapema mwaka 2021.

Kupitia ukurasa wake wa mtandao wa Instagram, Nandy ametoa shukurani zake za dhati kwa ‘The Recordnig academy’ kwa kuthamini mchango wake katika wimbo huo alioshirikishwa na mwimbaji Etana.

“Ahsante Recording Academy kwa Kushirikishwa kwenye ‘Collabo’ na Etana strongone (PAMOJA) iliyokuwa ‘nominated GRAMMY’ katika Album bora ya Reggae,” ameandika Nandy.