Mwijaku: Zuwena ame-trend kuliko wimbo wa Diamond

Mtangazaji wa Clouds Media na mwanaharakati wa masuala ya burudani, Burton Mwemba 'Mwijaku' amesema msanii wa Bongo Fleva, Diamond Platnumz hajui kuimba na asijifananishe na hasimu wake Alikiba kwani anamzidi mbali.

Mwijaku amesema hayo wakati akihojiwa kuhusu ubora wa wimbo na video mpya ya Diamond ya Zuwena ambayo ameiachia hivi karibuni.

"Mwambino tumsifu kwenye video sio kwenye kuimba, video ni kali sana na hii inaonyesha anapiga hodi kwenye Bongo Fleva lakini sio kwenye kuimba. Alichokifanya Alikiba kwenye uzinduzi wa albam ya Marioo huko ndiko kuimba.

"Unapozungumzia mtu anayeimba uwe na heshima, Diamond anakaa juu kwenye stage na kurendemka na kutengeneza video. Tanzania wasanii wanaoimba ni Alikiba, Marioo, Harmonize na Tommy Flavor.

"Diamond amejua kwamba kwenye kuimba amefeli, kwa hiyo akaona aje na idea ya kutengeneza movie, ndiyo maana unaona wimbo hau-trend ana-trend Zuwena maana yake wimbo ni wa kawaida.

"Mimi namshauri Diamond atoe movie kabisa, familia yake wote ni mastaa, atumie wahusika wa familia yake tu, watatoboa. Mimi nikiamua kuimba ninamzidi Mwambino, labda atanizidi kwenye uwekezaji wa video.

"Zuwena ya Diamond amekopi hana kipya wala hana ubunifu, angeweza kutumia hata Ashura ama aidea nyingine mbona zipo nyingi tu," amesema Mwijaku.