Mwigizaji Mkongwe wa Italia afariki Dunia

Muigizaji Mkongwe na maarufu wa Italia Gina Lollobrigida (95), amefariki dunia jijini Roma.

Gina alikuwa mmoja ya waigizaji kutokea bara la Ulaya wenye wasifu wa juu kabisa katika filamu za Hollywood kwenye miaka ya 1950 na mwanzoni mwa miaka ya 1960.

Ameigiza katika filamu mbalimbali pamoja na nyota kadhaa wakiwemo Humphrey Bogart, Rock Hudson, Bort Lancaster, Tony Curtis na Frank Sinatra.

Baada ya kuacha uigizaji alijihusisha na masuala mengine ikiwemo kuingia kwenye siasa.

Mwezi Septemba mwaka jana, mkongwe huyo aligombea Ubunge lakini hakufanikiwa.