Mwanajeshi mwenye miaka 19, aolewa na mzee wa miaka 61

Mwanajesi mwenye umri wa miaka 19 nchini Marekani, amefunga pingu za maisha na baba mwenye umri wa miaka 61, waliokutana kwenye mtandao wa Badoo.

Wapenzi hao wawili licha ya pengo ya miaka 42 kati ya umri wao, walizungumza kwa miezi sita kabla ya kukutana uso kwa uso mnamo Julai 2020 Jamaa huyo anadaiwa kuwa mzee zaidi kuwaliko wazazi wa mrembo huyo na anamzidi mmoja wa watoto wa mzee huyo na miaka mitatu.

Mapenzi hayatambui umri, haya yalidhihirishwa katika hadithi ya mrembo mwenye umri wa miaka 19 na mzee wa miaka 61.

Daily Mail inaripoti kuwa Audrey Cheyenne-Smiley Moon ambaye ni mwanajeshi alikutana na mpenzi wake kwa jina Kevin kwenye mtandao maarufu wa mapenzi Badoo, mnamo Januari 2020.

Mapenzi yakoleaWapenzi hao waliendelea kuzungumza kupitia jumbe kwa miezi sita kabla ya kukutana uso kwa uso mnamo Julai 2020.

Inasemekana kuwa busu lao la kwanza lilikuwa siku yao ya kwanza kukutana huku mapenzi yao yakinadi.

Hata hivyo, Audrey alificha uhusiano wake na baba huyo wa watoto wawili ambaye awali alikuwa katika ndoa kwa miaka 19.

Walikutana na wazazi wa Audrey mnamo Agosti 2020Kulingana na Metro.co.uk, wapenzi hao walijitia hamnazo na kuwafichulia wazazi wa Audrey mapenzi yao ambao hawakufahishwa kwa sababu ya pengo kubwa katika umri wao.

Isitoshe, Kevin alikuwa mzee kuwaliko wazazi wa Audrey ambao wana umri wa miaka 38 na 43.

Wazazi wa Audrey walimkaripia Kevin kwa siku tatu na hata kumshtaki kwa polisi lakini hatimaye Kevin alifaulu kuwashawishi wazazi hao.

Watoto wa Kevin wakubali uhusiano huoInaripotiwa kuwa watoto wa Kevin wenye umri wa miaka 13 na 16 wanaunga mkono uhusiano huo na wawili hao walifunga pingu za maisha mnamo Agosti 1, 2021, mjini Nevada, Marekani.

Katika majukumu yao ya ndoa, Kevin anaaminika kutaka kuwa baba wa kusalia nyumbani huku Audrey akiendelea na kazi yake ya kijeshi.

Kwingineko, jamaa aliyemuoa mama wa watoto watatu mwenye umri wa miaka 50, alifichua kwamba wamejuana kwa miaka 35.

Katika mahojiano na BBC News Pidgin, Kingsley Okoruwa, 51, alisema wawili hao walikuwa wanasomea katika shule tofauti za sekondari lakini hawakuwa wapenzi wakati huo.

Kingsley alisema urafiki huo uliendelea hadi wote walipoingia katika ndoa tofauti. Ni baba wa watoto wanne.