Mume wa Haitham Kim naye augua, akimbizwa hospitali

Taarifa zinaeleza kuwa, mume wa msanii wa Bongo Fleva, marehemu Haitham Ghazal Seif 'Haitham Kim' aitwaye Bryson maarufu kama Bosheni naye ni mgonjwa.

Kwa mujibu wa Dada wa Bryson, amedai kwamba kaka yake alikuwa akiumwa kabla ya kifo cha mke wake (Haitham Kim) na taarifa za kifo cha Haitham Kim zimewafikia wakati wakimpeleka Bryson hospitali kwa matibabu.

Mwanamuziki Haitham Kim amefariki leo Ijumaa, Septemba 1, 2023 baada ya kuugua kwa muda mrefu na kulazwa ICU katika Hospitali ya Temeke, Dar es Salaam kwa changamoto upumuaji.