Mtoto wa Dandu amesahaulika Tuzo za TMA?

Wakazi; ni mkongwe wa Hip Hop Bongo ambaye amepinga Diamond Platnumz kupewa tuzo ya heshima kwa hoja kwamba kuna watu walikuwa wanastahili.

Kupitia Kipindi cha Hotpot imefichuka kwamba mmoja wa waliosahaulika inawezekana huenda ni James Dandu au Mtoto wa Dandu au Cool James Massive (CJ Massive).

Mtoto wa Dandu alikuwa mmoja wa wasanii wakubwa wa mwanzomwanzo nchini Tanzania ambaye alianzia muziki wake nchini Sweden; aliporejea Tanzania ndipo akaanzisha Tuzo za Muziki Tanzania ambazo baadaye ziliitwa Kili Music Awards kabla ya kupotea miaka nane iliyopita.

Mwaka huu tuzo hizo zimerejea kwa jina lilelile la Mtoto wa Dandu, lakini hakuna aliyemkumbuka mwamba huyo aliyetangulia mbele ya haki mwaka 2002 kwa ajali ya gari pale Makumbusho jijini Dar.