Msanii Kenya alia Bongo Fleva kutawala nchini kwao

Msanii maarufu wa muziki nchini Kenya, Bahati ameshindwa kuvumilia na kuamua kutoa ya moyoni akidai kuumizwa na muziki wa Bongo Fleva kuitawala nchi yao kila kona.

Kupitia ukurasa wa instagram msanii huyo amepaza sauti akiwataka wasanii wa kenya waungane kama timu ili kusogeza muziki wao Duniani kwani jambo sio zuri kuona muziki wao nchini kwao tu haufanyi vyema akisema;

"Wasanii wenzangu wa kenya, tunaweza kujaribu kupuuzia hii kitu, lakini tumeacha jirani analala hadi na bibi zetu (wake zetu), kuanzia YouTube, boomplay, itunes mpaka kwenye redio na tv zetu.

“Namba 1 mpaka 10 ni trending za wasanii kutoka Tanzania, hadi nilifikiri nipo Dar es Salaam, tanzania. Sio kwamba nina tofauti na Watanzania au Nigeria, ila Diamond na Alikiba ni kaka zangu, na hivyo itabidi tujifunze hili," amesema Bahati