Mobeto kafa kaoza kwa Mochael Jordan

Hamisa Mobeto; ni mwanamitindo, mugizaji na msanii wa muziki wa Kizazi Kipya ambaye anakiri kufa na kuoza juu ya muigizaji wa Marekani, Michael B Jordan.

Kwenye akaunti yake ya TikTok, mama huyo wa watoto wawili ameposti video ya mkusanyiko wa picha kadhaa za Jordan na kumtambulisha kama mwanaume ambaye angetaka kuolewa naye.

“Ona mwanaume ninayetaka kuolewa naye…” Ameandika Hamisa chini ya video hiyo iliyoanza na picha yake.

Michael B Jordan ni muigizaji wa Marekani na ni mkurugenzi na mtayarishaji wa filamu. Anajulikana kwa uhusika wake katika filamu maarufu kama The Wire (2002) Fruitvale Station (2013), Creed (2015) na Black Panther (2018, 2022).

Mwaka wa 2020, Jordan alitajwa kuwa mmoja wa watu 100 wenye ushawishi mkubwa zaidi ulimwenguni na Jarida la Time na pia kama mwanaume mzuri zaidi aliye hai.

Muigizaji huyo alijitosa kwenye mahusiano ya kimapenzi na mwanamitindo wa Marekani, Lori Harvey mnamo Novemba 2020. Mwezi Juni, 2022 ilitangazwa kuwa wawili hao walikuwa wametengana.