Mobeto afunguka mapya kuuza gari la Diamond

Hamisa Mobeto; ni mwanamitindo, muigizaji na msanii wa muziki wa Kizazi Kipya nchini Tanzania ambaye hivi karibuni alidai kuzawadiwa gari jipya aina ya Range Rover na mwanaume ambaye anasema ni mpenzi wake wa sasa.

Mobeto anasema kuwa, baada ya kupewa ndinga hilo alimrukia mwanaume wake huyo na kushukuru jinsi ambavyo amekuwa akionesha mapenzi ya kweli kwake akimtaja kama mwanaume wa ndoto yake.

“Haikuwa zawadi ya siku ya kuzaliwa. Unapompenda mtu, haimaanishi kwamba unapaswa kumpa zawadi tu wakati wa siku yake ya kuzaliwa.

“Muoneshe upendo kila siku. Aliniuliza ningekuwa wapi na yeye nilifurahi sana na siyo kitu ghali zaidi ambacho nimewahi kupokea kutoka kwa mtu ninayempenda,” anasema Mobeto.

Hata hivyo, Mobeto anasema kuwa, siyo mwanamume pekee aliyewahi kumpa zawadi ya gari, kwani alishapewa na baba watoto wake wawili, Majizo na Diamond Platnumz.

“Baba wote wawili walininunulia magari wakati wao. Nina magari mawili, Prado na aina mbalimbali. Nilinunua Prado kwa pesa zangu.

“Ningejivunia kujitoa tena. Ningejivunia ulimwengu kuwa nilijinunulia. Sikujinunulia mwenyewe. Mtoto wa mtu alininunulia gari na nimefurahia,” anasema Mobeto huku akitaja sababu ya kuuza gari alilonunuliwa na Diamond Platnumz.

“Niliuza magari ili tu nipate gari aina ya Prado. Range niliyopata hivi majuzi ni gari la ndoto yangu.” Anasema Mobeto.