Mkongwe Marc Anthony afunga ndoa na Mwanamitindo huyu

Msanii Marc Anthony (54) amefunga ndoa na mwanamitindo @nadiatferreira (23) , ambaye aliiwakilisha Nchi ya Paraguay kwenye Miss Universe 2021. inasemekana wawili hawa walifunga ndoa siku ya jumamosi Januari 28.

Kwa mujibu wa mtandao wa TMZ, wapenzi hao walifunga ndoa kwenye Jumba la Makumbusho la Sanaa la Pérez lililopo mjini Miami, Florida, nchini Marekani na kuhudhuriwa na watu mashuhuri akiwemo @davidbeckham na mkewe @victoriabeckham , mwigizaji Salma Hayek, Maluma na Luis Fonsi na wengine.

Wawili hao walitangaza uhusiano wao kwa mara ya kwanza mwezi Machi 2022,na kutangaza kuchumbiana miezi miwili baadaye mwezi Mei.

Hii ni ndoa ya nne ya Marc Anthony ambaye mwanzo aliwahi kumuoa Dayanara Torres kutoka 2000 mpaka 2004, Jennifer Lopez kutoka 2004 mpaka 2014, na Shannon De Lima kati ya 2014 hadi 2017.