Mkali wa Afro Soul awataka Burna Boy, Wizkid

Mkali wa miondoko ya Afro Soul, Chukwueku Emmanuel maarufu Superstar M E amesema baada ya kazi zake kubamba sasa anataka collabo za kimataifa.

Superstar M E anayetamba na ngoma ya Oginigi akimshirikisha Semric kutoka Uganda amesema anafikiria kufanya kazi na wasanii wakubwa kutoka pande mbalimbali za Afrika.

"Nataka nije nifanye kazi na Burna Boy, Wizkid, Davido, Cassper Nyovest, Nasty C, Maphorisa, Diamond Platnumz na Harmonize," amesema Superstar M E.

Staa huyo ambaye anafanya shughuli zake za mziki nchini Afrika Kusini ni mzaliwa wa Nigeria akizungumza na amesema wimbo wa Oginigi umempa umaarufu nje ya mipaka ya Sauzi huku akifafanua neno hilo ni msemo wa lugha ya Igbo maana yake ni 'kitu gani' akimwimbia mwanamke unataka nini?

M E alitoa wimbo wake wa kwanza mwaka 2018 aliupa jina Tsotsi uliompa umaarufu katika jiji la Johanesburg.