Mchungaji adai kukimbiwa na waumini 700 wanawake baada ya kuoa

Mchungaji maarufu Nchini Kenya, James Ng’ang’a amesema baada ya kumtambulisha mke wake wanawake 700 waliondoka Kanisani mara moja, wakikasirika kuwa hawakuchaguliwa kuwa mke wa mchungaji.

Ng’ang’a alisimama imara, akiwambia waondoke kama hawawezi kukubali uamuzi wake Mchungaji huyo ambaye mke wake wa kwanza alifariki, alifunga ndoa nyingine na kuamua kumtambulisha mkewe wa sasa wakati wa Ibada

Akizungumza na waumini wake, Ng’ang’a alisema wanawake karibu 700, wakiwemo baadhi ya wasaidizi, waliondoka Kanisani baada ya kugundua kwamba alikuwa amepata jiko. Ng’ang’a, alidai kila mwanamke alikuwa na matumaini kwamba angeolewa kwa sababu ya nafasi yake kama kiongozi tajiri.