Mchiz Mox awavaa mapromota, 'wanafeli'

Mkongwe wa Hip Hop Bongo, Mchiz Mox ameibuka na mapromota wa muziki kwa kuwaambia kuwa, wanakosea kutowashirikisha wasanii wakongwe kwenye matamasha yao.

Mox ameyasema hayo alipokuwa akifanya mahojiano na Wasafi TV ambapo aliongea mambo mbalimbali ikiwemo ukimya wake kwenye gemu.

"Wanakosea, ujue mashabiki wao hawana hela. Hawa mashabiki wa miaka ya tisini, wengi wao wanakuja na kwenye shoo na kiingilio tu na nauli ya kurudi nyumbani. Mashabiki wakongwe ni mabosi, wana hela.

"Sisemi kwa ubaya lakini wanatakiwa kuliangalia hili maana ndio maana unaona bei ya kiingilio imesimama shilingi elfu kumi kwa miaka mingi, wanatakiwa kuchanganya wasanii wa zamani na wa sasa," alisema Mox.