Davido
Msanii wa Nigeria na mwenye tuzo nyingi, Davido amekuwa akitrend barani Afrika wiki hii baada ya kusimama kutumia mitandao ya kijamii kwa muda mrefu kufuatia kufiwa na mtoto wake mwishoni mwa mwaka jana.
Mashabiki kutoka kwenye majukwaa ya mitandao ya kijamii wamekuwa wakishiriki baadhi ya matukio muhimu ya nyota huyo.
Nyota huyo aliyetumbuiza kwenye sherehe za kufunga Kombe la Dunia mwaka jana anajiandaa kutoa albamu yake mwezi ujao.
Kwa moyo wake wa kujitolea, Davido alitoa naira milioni 1 kama zawadi kwa dereva wa Bajaji nchini Nigeria ambaye aliweka picha za staa huyo kwenye chombo chake cha usafiri akionyesha upendo aliyonao kwake.
Davido amekuwa akijihusisha na kazi nyingi za hisani ikiwa ni pamoja na kufadhili vituo vya watoto yatima pamoja na kusaidia wabunifu kufikia ndoto zao lakini pia amekuwa akitumia ushawishi wake kuibua vipaji vingi.