Mapacha wenye miaka 58 waolewa familia moja
Kama vile mapacha wengi wanaofanana, Alice na Jane Muga wanapendana sana na wazo la kutengana huwa linawaingiza baridi.
Mapacha walio na umri wa miaka 58 Alice na Jane Muga ambao wameolewa na binamu wawili kutoka kijiji kimoja.
Kulingana na mama yao, Alice ndiye mkubwa kwa dakika tano na Jane ambaye mara nyingi huwa hasemi sana ndiye mdogo.
"Mama yetu alikuwa na wakati mgumu; aliwahi kutukodishia wasaidizi wawili wa nyumbani. Mmoja wetu akiugua mwingine aliugua pia. Ilibidi wahakikishe kila kitu kilikuwa sawa tulipokuwa tukikua," Alice alimwambia Eve Mungai kwenye YouTube Channel yake.
Wakati mama yao alikuwa na uwezo wa kuwatofautisha Alice na Jane kwa urahisi, baba yao alitatizika.
"Hawatumii muda wao mwingi na watoto," alisema Jane.
Wakiwa watoto, wawili hao walikuwa hawatengani; walisoma shule moja na wangepata alama sawa kila wakati.
Baba yao alifikiri kila mmoja wao anapaswa kujitegemea na kuwapeleka shule tofauti.
“Alijuta kwa sababu ningeugua mara nyingi ili tu nimuone,” alisema Jane.
"Tulizoea kufanya mambo pamoja, kusoma pamoja na sasa tulitenganishwa na kupelekwa shule tofauti iIlikuwa ni mateso," aliongeza.
Wawili hao baadaye walijiunga na taasisi moja ya elimu ya juu na baadaye kupata kazi katika hospitali moja.
Alice alikutana na mwanamume mtanashati na wawili hao wakafunga ndoa, hakujua kuwa dada yake pia angeolewa katika familia yake.
"Tumefunga ndoa na binamu; ingawa tunatengana nyakati za jioni tunashinda kutwa pamoja kwani tunafanya kazi katika taasisi moja," alisema Alice.
Mume wa Jane ni marehemu lakini alipokuwa hai walikuwa wanawatania waume zao akili ambao ilikuwa ngumu kuwatenganisha.
Alice na Jane wote wana umri wa miaka 58 lakini hadi sasa bado wanavaa nguo zinazofanana.