Manara kuondoka Simba, Diamond afunguka

Staa wa muziki Bongo na Africa Diamond Platnumz ametoa ya moyoni kuhusu kitendo cha aliyekuwa Afisa habari wa Klabu ya Simba kuacha kufanya kazi hiyo katika klabu hiyo yenye maskani mitaa ya Msimbazi Kariakoo.

Kupitia Instagram yake Diamond ameeleza kuwa "Ukiacha Upenzi wangu wa team ya Simba ambayo kiukweli umetokana na ushawishi wako lakini kama Mtanzania ninaependa maendeleo ya Tasnia ya Michezo, nimeumia kutokuwepo kwako tena Simba"

"Licha ya kuiongezea hamasa, ushawishi team yetu ya Simba lakini kupitia mbwembwe zako za usemaji, utani kwa Yanga na team mbalimbali ulifanya Tasnia ya michezo kuchangamka zaidi na hata ambao tulikuwa si wafatilia kandanda kuanza kufatilia" ameongeza

Nafasi ya usemaji ndani ya Klabu ya Simba kwa sasa imechukuliwa na Ezekiel Kamwaga ambaye pia aliwahi kuwa kiongozi katika klabu hiyo miaka kadhaa iliyopita.