Manara aibuka na ishu ya Chid Benz

Mdau maarufu wa michezo na burudani nchini @hajismanara ametangaza nia ya kutaka kumsaidia msanii maarufu wa muziki wa Rap, Rashid Makwiro a.k.a Chid Benz kutokana na hali aliyonayo kwa sasa.

#Manara kupitia ukurasa wake wa Instagram ameeleza namna alivyoguswa na hali ya sasa ya Chid Benz kwa mujibu wa video inayoendelea kusambaa mitandaoni hata kueleza utayari wa kutaka kusaidia Staa huyo.

Hata hivyo wapo wanaohisi kuwa huwenda Chid Benz bado anapitia changamoto ya matumizi ya dawa za kulevya huku baadhi yao wakisambaza maoni yao mitandaoni kuwa huwenda staa huyo anapitia changamoto kiafya.

Aidha, Manara amemtaka Chid Benz afike katika ofisi yake iliyopo jijini Dar es Salaam kwa taratibu za kumsaidia ambazo ni pamoja na kumrejesha katika matibabu ya kumuondoa katika uraibu wa dawa za kulevya.