Maagizo ya Waziri Bashungwa kwenye Taasisi ya COSOTA

Waziri wa Habari, Utamaduni, Sanaa na Michezo, Innocent Bashungwa ameaigiza Taasisi ya Hakimiliki Tanzania (COSOTA) kufanya kikao na Wadau ndani ya wiki moja na kuwapitisha katika marekebisho ya Kanuni ya Leseni ya Utangazaji na Maonesho kwa Umma ya Mwaka 2003.

Bashungwa ametoa agizo hilo Dar es Salaam alipofanya kikao na Menejimenti ya Taasisi hiyo kufuatilia marekebisho ya Kanuni hiyo ambayo imefanyiwa marekebisho ya tozo katika maeneo mbalimbali ya biashara yanayotumia kazi za Muziki.

.

‘’Ndani ya wiki moja kuanzia leo muende kwa Wadau mkawapitishe katika marekebisho haya ili nao watoe maoni yao, tulikamilishe hili kwa haraka ikumbwe kuna maagizo ya Rais Samia Suluhu Hassan kuwa tunatakiwa kugawa mirabaha mwezi Disemba ni lazima mkamilishe hili kwa haraka”———Bashungwa

Kwa upande wake Mwanasheria wa COSOTA Lupakisyo Mwambinga katika wasilisho lake la marekebisho hayo ya Kanuni hizo alifafanua kuwa baadhi ya maeneo yamefanyiwa marekebisho kutokana gharama za tozo zake kuwa na kiwango cha chini kisichoendana na gharama za maisha ya sasa sababu ni tozo za muda mrefu.