Lyyn awataja mastaa walioonja penzi lake

Mrembo maarufu kwenye mitandao na msanii wa Bongo Fleva, Lyyn, amefichua siri kwamba, kwenye maisha yake ya umarufu ni wanaume wawili tu mastaa waliowahi kuwa wapenzi wake kwa nyakati tofauti.

Akizungumza na Wasafi FM, Lyyn alisema wanaume hao ni staa wa Bongo Fleva Diamond Platnumz na Tommy Flavour.

“Kwa wanaume maarufu ni hao. Diamond tuliachana sababu alinisaliti lakini Tommy ilikuwa ni mambo tu ya kawaida ya kimahusiano,” alisema Lyyn.