Lulu: Kuzaa mtoto wa pili ilikuwa bahati mbaya

Msanii nguli wa Bongo Movies, Elizabeth Michael maarufu kama Lulu amesema kuwa haukuwa mpango wake yeye na mumewe Francis Caeser 'Majizzo' kuongeza mtoto wa pili hivi karibuni lakini ilitokea tu kama bahati mbaya.

Lulu ambaye kwa sasa ana watoto wawili na Majizzo ikiwa ni miaka miwili tu tangu walipofunga ndoa yao mwezi Februari, mwaka 2021.

"Kuzaa mtoto wa pili haikuwa kwenye mpango wangu, ilitokea bahati mbaya tu baada ya kuzaa mtoto wa kwanza kuna kaushamba nilikuwa nako nikajikuta nimeshika mimba ya pili, sikutaka kuitoa nikaamua kuzaa.

"Changamoto ninayoipata ni kulea watoto wawili kwa wakati mmoja, nahisi kama yule wa kwanza simtendei haki lakini namshukuru Mungu baba yake huwa ananisaidia ninapozidiwa na majukumu," amesema Lulu.