Lulu Diva: Nimemaliza Dozi

MSANII wa kizazi kipya cha Bongo fleva,Lulu Abass “ Lulu Diva”amefunguka na kusema kuwa anamshukuru Mungu,ameweza kumaliza dozi yake ya kurudisha weusi aliokuwa nao baada ya kujichubua.

Akizungumza Lulu Diva anasema kuwa, anamshukuru mno Mwenyezi Mungu kwani ngozi yake imerudi na kuwa kama zamani.

Anasema kuwa, huko nyuma mwili wake ulipata magonjwa ya ajabu hivyo amefanikiwa kwa kiasi kikubwa kupata madaktari walioweza kurudisha ngozi ya mwili wake.

“Mungu ni mwema sana, ngozi yangu imerudi na ni watoe hofu waliosema kuwa, ukijichubua huwezi kurudi kama awali, mimi nimerudi na situmii tena mkorogo kamwe,” anasema Lulu Diva ambaye kuna wakati alikuwa mweupe kupitiliza hadi akawa kama papai lililoiva.