Lil Wayne akimbia kula mgahawani kwa miaka 19

Lil Wayne hajala kwa Mama Ntilie wala kwenye Mgahawa wa hadhi yoyote kwa kipindi cha miaka 20 sasa.

Ni makatazo ambayo aliyapata toka kwa Mama yake mzazi tangu ana umri wa miaka 19. Kwenye mahojiano yake mapya na Zane Lowe, Wizzy alitupitisha kwenye stori hiyo.

“Nilipokuwa na miaka 19 nilihamia Miami na Mama yangu alikuwa ndiye mpishi wangu na alikuwa mwenye furaha na kuhama kwetu kwa sababu maisha ya New Orleans ni changamoto kidogo.

Kubwa ambalo alinitaka mimi ni kuajiri mpishi wangu binafsi.” alisimulia Wizzy na kuendelea

“Kwa hiyo toka umri wa miaka 19 hadi leo nimekuwa na mpishi binafsi. Kamwe sijawahi kula chakula kwenye migahawa (fast food), sifahamu hata harufu ya McDonalds. Siongezeki uzito, na mimi sifanyi mazoezi yoyote.” alimaliza Lil Wayne ambaye ameachia wimbo wake mpya “Kant Nobody” aliowashirikisha DMX na Swizz Beatz.