Lil Ommy awaangukia Watanzania 

MTANGAZAJI wa kituo cha redio cha Wasafi na televisheni, Omary Tambwe ‘Lil Ommy’ amewaomba Watanzania kumpigia kura kwa wingi ili ashinde tuzo ya mtangazaji bora barani Afrika mwaka huu.

Tuzo hizo zinazofahamika kwa jina la ‘Zikomo Awards’ zinaandaliwa nchini Zambia zinafanyika mwaka huu, huku katika kipengele kimojawapo amejumuishwa Lil Ommy.

Alisema kuwa anaomba Watanzania wampigie kura kwa wingi ili ailete tuzo hiyo nyumbani na kuitangaza lugha ya Kiswahili kama ambavyo hayati Rais John Magufuli ambaye alitamani bara zima la Afrika lizungumze lugha hiyo adhimu.

Alisema anatamani tuzo ya mtangazaji bora Afrika ije Tanzania na tna taifa kujivunia kwa uzalendo wa hayati Dk John Magufuli kwa lugha ya Kiswahili.

“Lakini pia tuiletee heshima nchi yetu na kuonesha kasi ni ile ile kwenye uongozi wa Mheshimiwa Rais wa Sita, Samia Suluhu Hassan,” alisema Ommy.

Alisema ili kumpigia kura unatakiwa kuingia katika ukurasa wake wa Instagram kisha bonyeza link kwenye bio kisha chagua Vote shuka chini kipengele cha mtangazaji bora wa radio chagua Lil Ommy, ingiza namba zozote mbili na boonyeza tuma utakua umempigia kura.