Kizz Daniel atua Bongo, akacha shoo Dar, awaacha kwenye mataa

Usiku wa kuamkia leo August 8, 2022 Jiji Dar es Salaam kumefanyika shoo ya #summerApplified ambapo staa wa muziki kutoka Nigeria, Oluwatobiloba Daniel Anidugbe maarufu kama Kizz Daniel alitarajiwa kutumbuiza kwenye shoo hiyo lakini mambo yamekuwa ndivyo sivyo.

Pamoja na Kizz Daniel kutua kwenye ardhi ya Tanzania staa huyo hakufanikiwa kufanya shoo hiyo.

Sababu za Kizz kutotokea Jukwaani hazijafahamika mpaka sasa. Tunajaribu kuwasiliana na uongozi wa waandaji wa show hiyo kujua nini haswa kimepelekea staa huyo anayetamba na wimbo wake #buga kuingia Mitini

Pamoja na Kizz kutotokea jukwaani mastaa wengine kutokea nchini Tanzania kama Marioo, Saraphina, Mabantu na Young Lunya walifanikiwa kutoa burudani kwenye shoo hiyo iliyofanyika kwenye ukumbi wa #WareHouse zamani Nextdoor.