Kitenge, Hando waondoka EFM, watua Wasafi FM

Watangazaji wawili wa EFM, Maulid Kitenge ‘chumvi’ na Gerald Hando leo Jumatano, April 19, 2023 wametambulishwa rasmi katika kipindi cha Good Morning kinachorushwa na kituo cha Radio cha Wasafi FM.

Kitenge anarejea kwa mara nyingine Wasafi FM baada ya kujiunga na kituo hiko mwezi Oktoba mwaka 2019 kwa mara kwanza na mwezi Agosti mwaka 2021 alirejea EFM na leo April 19 amerejea tena Wasafi FM.

Kitenge na Hando ni miongoni mwa watangazaji wa EFM wa muda mrefu sana (kuanzia mwaka 2015) Kitenge akiwa kama Mkuu wa Idara ya Vipindi vya Michezo, huku akitangaza vipindi vya michezo vya Sports Headquarters na E-Sport, pamoja na kusoma magazeti na Hando kwenye Kipindi cha Joto la Asubuhi ndani ya EFM.

Wawili hao wanaungana na Zimbwela, Salma Dacotha katika kipindi cha Good Morning kinachosikika kila siku ya Jumatatu mpaka Ijumaa kuanzia Saa 11 mpaka Saa 2:30 asubuh kupitisha Masafa ya 88.9 Wasafi FM.