Kifahamu chakula kilichotengenezwa na mawe yaliyokaangwa - Suodiu

Suodiu ni aina ya ajabu ya vyakula vya mitaani vya Kichina ambavyo vina mawe madogo ya mito yaliyokaangwa na mchanganyiko wa viungo na mimea na ulaji wake ni kunyonya mawe kisha kuyatema.

Inayotafsiriwa takriban kama ‘nyonya na kutupa’, suodiu inaaminika kuwa ilibuniwa mamia ya miaka iliyopita na waendesha mashua ambao walitayarisha sahani walipokuwa wamekwama katikati ya mto bila chakula halisi walipokuwa wakipeleka bidhaa ili kuidanganya njaa ya matumbo yao kwa wakati fulani, walikuwa wakikoroga kokoto za mito kwa kutumia vitoweo mbalimbali kisha kunyonya mawe hayo.

Sahani hiyo ya kitamaduni ilipitishwa kwa vizazi kadhaa, na leo wachuuzi mbalimbali wa kando ya barabara nchini China wakati mwingine wanaweza kuonekana wakikaanga mawe hayo ya mito na mafuta ya pilipili, mchuzi wa vitunguu, karafuu na vitunguu na mchanganyiko wa viungo.

Mara tu unaponyonya mawe yote, unabaki na mchuzi, ambao, wengine wanasema una ladha tofauti ya samaki kutoka kwenye kokoto za mto.

“Inabidi nirudishe kokoto kwako baada ya kumaliza?” mtu mmoja aliuliza katika mojawapo ya video za mtandaoni zinazozunguka kwenye mitandao ya kijamii ya Uchina, ambapo muuzaji anajibu “Wapeleke nyumbani kama ukumbusho”.