Khadija Kopa afunguka muziki wa Taarabu kufa

Mkongwe wa muziki wa Taarab Bongo, Khadija Kopa amesema, muziki wa Taarabu haujafa isipokuwa uwekezaji kwenye muziki huo umetoweka.

Khadija Kopa amesema hayo alipokuwa akifanya mahojiano na Wasafi TV ambapo alisema, vyombo vya habari pamoja na waandaaji wa matamasha ya muziki huo wanatakiwa kurudisha matamasha hayo.

“Wawekezaji tunawahitaji sana kwenye muziki wetu. Wasanii wengi wa taarab hawana uwezo huo hivyo hata watu waliokuwa wanaandaa matamasha waandae, kazi zetu pia zinapigwa bure hivyo tunatakiwa kusimamiwa vizuri kama wenzetu wa Bongo Fleva,” alisema Khadi Kopa.

Mkongwe huyo amesema kwa sasa ana mpango wa kauchia EP yake yenye nyimbo tano ambayo anatarajia kuitoa hivi karibuni na itasimamiwa na Diamond.