Khadija Kopa: Diamond sio mkwe wangu

Mkongwe wa muziki wa Taarabu, Khadija Kopa amesema, bosi wa mwanaye Zuchu, Nasibu Abdul ‘Diamond’ sio mkwe wake kwani hajafika nyumbani kujitambulisha.

Khadija Kopa amefunguka hayo alipokuwa akifanya mahojiano na Wasafi TV ambapo alipoulizwa kuhusu mwanaye kuonekana katika maeneo mbalimbali kimahaba, Kopa alisema amechukulia kawaida tu maana bintiye hawezi kumtambulisha mtu kama hana uhakika naye.

“Zuchu ana misimamo ambayo mimi ninayo. Hawezi kuniambia kama mtu labda ni bwana wake tu. Na Diamond hajaja kwangu kujitambulisha hivyo mimi nachukulia tu kama mtu na bosi wake hata nikiona picha mitandaoni na ninajua wasanii hasa wa Bongo Fleva wana mambo yao ya kimuziki,” alisema Kopa.