Kauli ya mrembo Lynn kuhusu video vixen kuhusika na ukahaba

Irene Jefrey Luis almaarufu Official Lynn ni mojawapo ya wasanii na malkia wa video 'videovixens' ambao ni maarufu nchini Tanzania.

Lynn ni kijana wa kike anayefwatiliwa mno hasa na vijana kutokana na mtindo wake wa maisha.

Ameshiriki kwenye video za wasanii wa Tanzania kama Rayvanny "Kwetu" na Kenya mbali na kuwa kwa wakati huu ameanza kutunga na kuimba nyimbo zake kama wimbo wa "maneno".

"Ninapenda kuwa malkia wa video za muziki, na sitishwi na fikra za baadhi ya watu kuhusu kazi yangu, kuna watu wanasoema kuwa kazi hii ni njia ya ukahaba lakini sivyo," anasema Lynn.

Swala hili la malkia wa video sio geni , katika nchi nyingi gumzo limekuweko kuhusu nafasi yao katika miziki wanayoshiriki kama modo au wanenguaji. Kwake Lynn kazi ni kazi na hii yake anatamani pia kila mtu aiheshimu kama kazi rasmi.